Torunn Måseidvåg – keramikk

Dei første åra arbeidde eg utelukkande i blåleire frå Sandnes. Fargen på sjølve godset er djup og varm, og den er smidig og god å arbeida med på dreieskiva. Høvet til å bruka lokale råvarer, samstundes som at dette var den leira som den tradisjonelle keramikken var laga av, var også viktige grunnar til å bruka Sandnes-leira.

Men i 2006 slutta dei å produsera denne kommersielt. Det er jo ikkje det at det er slutt på leira i og rundt Sandnes, men eg har så langt ikkje sett syn på å ta spada fatt. Førebels har ei dansk leire blitt førstevalget mitt, så får me sjå korleis det vert etterkvart.

Ovanfor er eit utval av ting eg laga i blåleira frå Sandnes.