Torunn Måseidvåg – keramikk

Båtar har i alle tider vore lasta med likt og ulikt. Kva sender me ut i verda frå våre hamner? Kva kjem til oss frå andre land og folk?

I midten av april i 2008, like ved Gramstadtjern, på vegen opp mot Dalsnuten, veks ein 10 meter lang kvelva båtform fram i levande pil. Skulpturen skal slå rot, og vil verta ei grøn og tett form om sommaren, og ei luftigare, bladlaus form om vinteren. Her vil turgåarar få eit spanande rom å rasta i, og kanskje – hvis dei ser godt etter – oppdagar dei skjulte skattar òg?

Me vonar også at tankar og draumar til dei over hundre elevane frå Aspervika skole og Hana skole, som deltok i prosjektet ved å laga både last i keramikk og å fletta skulpturar i pil, vert synlege.

Gramstadbåten skal vera ein stad der nye Sandnes-buarar kan visa oss sitt blikk på verda, og ein stad der nye opplevingar på mange plan kan ta til.

Prosjektet er utvikla saman med den danske pileflettaren Birgit Østergaard-Jensen og PileByg AS, og er del av Stavanger2008 – Europeisk kulturhovudstad sitt program.

Opning 27. april 2008 kl 12.00 ved ordføraren i Sandnes kommune.

Sjå fleire bilete her.